霎時再感動︳曾志偉因桑拿店剪綵嬲歌手好友 為保形象反口：覺得佢唔夠義氣

曾志偉擔任《霎時再感動》節目嘉賓，昨晚（14日）自爆早年跟一位「紅過我好多倍」的歌手朋友發生一場小誤會，險些失去了這位知己好友。他一番深思，主動致電對方相約見面。二人回復過往無所不談的光景，至今友情不變。志偉跟譚詠麟、陳百祥相識大半生，既是兄弟亦是知己，根據他的描述，不難估中口中所講樂壇舉足輕重的人物正是譚詠麟。

{{hket:inline-image name="11151002.jpg"}}{{/hket:inline-image}}

{{hket:inline-image name="6636f83agy1fdp87f15rjj21110kun48.jpg"}}{{/hket:inline-image}}

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

志偉跟好友的一場誤會，原來跟共通朋友開桑拿店有關，「呢個故事發生喺好多年前，喺演藝界，我成日都話佢係我最好朋友、知己，咁當時佢就好紅，紅過我好多倍，我哋兩個都有啲共通朋友，有一次應承其中一個朋友，我哋兩個一齊去為對方剪綵。到剪綵嘅前一、兩日，突然間我好兄弟打電話畀我，話『死啦死啦，呢次剪綵我唔去得』，我哋已經應承咗人哋喎，佢就話『因為係桑拿......我係歌星，去剪綵會影響我形象，我歌星同你哋地位唔同㗎』。」

霎時再感動︳滕麗名曾被前輩問點解黑口黑面 因唔聽別人意見行咗多年冤枉路【下一頁】

對於好友這番說話，志偉直認有少許不滿，又覺得對方無義氣，「跟住嗰兩日我哋冇見面，亦冇通電話，再過二、三日繼續唔通電話。有日我起身去廁所，踎喺度問自己『咁就唔傾偈』。我成日都話，人生能夠遇見已經難，成為朋友更難，成為知己更加要珍惜，為件咁嘅事就唔傾偈？當時就諗點呢......好簡單，我當佢係小人，我係大人，大人不記小人過，咁就可以囉！我即刻攞起電話打畀佢『喂點呀你，好耐冇見，飲茶吖』，飲茶時又回復以前咁談笑風生。」

霎時再感動│薛家燕回憶痛失好友黎小田 眼濕濕提到仍有一事耿耿於懷【下一頁】

志偉續說︰「件事過咗一段日子再攞番出嚟講，冇事，佢解釋番，我諒解。我達唔到佢嘅境界，或者我唔係佢同佢身分，所以唔明白呢啲事。想同觀眾分享嘅係，其實每一件事，唔好喺自己立場去預判，一啲咁深厚嘅友誼要珍惜，或者好多事情都係，唔係你就誤咗大事，甚至係一啲你唔應該放棄嘅嘢。」

（↓點擊放大睇圖片↓）

志偉補充︰「如果你最近發生咁嘅事，你會唔會即刻攞起電話打番畀你朋友呢？甚至乎佢仲會嬲緊都冇所謂，重點係你已經釋懷，你會好開心，嗰晚你會瞓得好甜。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】